ആര്യങ്കോട് ഗ്രാമപഞ്ചായത്തിലെ കുകുറുണി നടവഴി 5 ലക്ഷം രൂപ വിനിയോഗിച്ച് ഇൻറർലോക്ക് ചെയ്ത് നവീകരിച്ചു. പ്രദേശവാസികളുടെ ദീർഘകാല ആവശ്യമായിരുന്ന നടവഴിയുടെ വികസനം പൂർത്തിയായതോടെ കാൽനടയാത്ര കൂടുതൽ സുരക്ഷിതവും സൗകര്യപ്രദവുമായി. മഴക്കാലത്ത് യാത്രാ ബുദ്ധിമുട്ടുകൾ നേരിട്ടിരുന്ന പ്രദേശവാസികൾക്ക് പദ്ധതിയുടെ പൂർത്തീകരണം വലിയ ആശ്വാസമായി. ഗ്രാമീണ അടിസ്ഥാന സൗകര്യ വികസനത്തിന്റെ ഭാഗമായാണ് പ്രവൃത്തി നടപ്പാക്കിയത്.
